Edi Rama i është përgjigjur Lefter Kokës dhe Petrit Vasilit, një ditë pasi sulmuan policinë dhe Tahirin, në një gjuhë siç i përgjigjet Ben Blushit apo opozitës.
Përveç argumentit që përdor, Rama ka shtuar edhe fjalinë me hashtag: “Qentë le të lehin, Kkarvani ecën përpara!”
Një proverb që e ka përdorur rëndom gjatë fushatës së Blushit kundër tij në verë, por edhe opozitës. Por vetë termi “qentë”, kur Rama e përdor edhe për një nga ministrat e tij, zor se do shpëtojë pa u komentuar dhe analizuar. “Mund të jetë ministri një qen që leh?!”.
E gjitha kjo, ka qenë pjesë e një kumti të qartë politik që kryeministri ka përdorur duke shpalosur një statistikë të Bashkimit Europian për të mbrojtur Tahirin.
Postimi i Ramës
“Pas anketimit të bërë disa muaj më parë nga Komisioni Europian, POLICIA E SHTETIT konfirmohet përsëri si institucioni më i besuar i shqiptarëve në Indeksin e Besimit tek Institucionet”- shkruan Rama, duke e shoqëruar postimin me grafikun përkatës dhe shprehjet e njohura të tij, “Rilindje, Shqipëria e Gjeneratës Tjeter dhe Qente le të lehin, karvani ecen përpara”, shkruan Rama. /tesheshi.com/
