E ka kapur pak gafil Edi Ramën marrëveshja e re që po komentohet si një “dashuri pranverore” me Lulzim Bashën, ndërsa vetë kryeministri e quan një BigMac, pra produkti më voluminoz i McDonald’s, një homazh për Mcallister-in e Angela Merkelit, të cilit ia revizionuan paketën.
Në një miting fare pranë çadrës, Edi Rama nuk ka sulmuar më ata po pengojnë drejtësinë por ka folur për një epokë të re.
Kryeministri tha se më shumë sesa për çeljen e fushatës, brohoritjet duhet të jenë për realizimin e atij që e quajti objektiv strategjik: vetting-n.
“Jemi mbledhur këtu këtë ditë, por besoj se më bukur sesa në vend që të çelim sot fushatën elektorale, të brohorasim për realizimin e objektivit tonë strategjik për një Shqipëri me shtet, punë dhe mirëqënie, për vettingun që do të votohet para fillimit të fushatës elektorale”, deklaroi Rama.
Ndërkaq, ndërsa ka kaluar pranë çadrës bashkë me një pjesë militantësh socialistë, përkrahësit e opozitës e kanë qëlluar me shashka e kapsolla. Ndoshta për inerci, apo si shenjë komunikimi modern…
Nga ana tjetër, në miting Rama tha se të rëndësishme janë standardet e zgjedhjeve dhe marrëveshja heq çdo alibi për opozitën. /tesheshi.com/
“Opozita do të ketë mundësinë që të shikojë nga brenda të gjithë procesin në këto 37 ditë dhe në fund do të jetë e detyruar që të pranojë rezultatin pa “sikur”, pa “por”, pa “këtej”, pa “andej”, u shpreh ai. /tesheshi.com/
