I ftuar në Shih Programin përballë gazetarit Enkel Demi, kryeministri shqiptar Edi Rama ka folur për shumëçka, në bazë të pyetjeve të bëra nga Demi, por ndër to ka theksuar se do i rikthehet sërish miqësisë së vjetër me Fatos Lubonjën.
“Kur të vijë ajo ditë që mos jem më në pushtet dhe me përgjegjësi politike, me Lubonjën me pret një fazë e tretë”, tha Rama, sipas të cilit ajo do jetë miqësia që kanë patur dikur.
Rama tha se kishte nostalgji për atë kohë dhe se në distancë e ndjente mik Lubonjën.
Ditët e fundit, Lubonja ka deklaruar se Edi Rama duhet larguar qoftë dhe me dhunë. I pyetur nga Demi nëse e ka lexuar artikullin me këtë thirrje, Rama tha se derisa këtë e ka kërkuar që para 10 vjetësh nuk kish pse ta rilexonte. /tesheshi.com/
