Kryeministri Edi Rama, e ka konsideruar fitoren e Dibrës si një mesazh politik të zgjedhësve, ndaj ka deklaruar se mazhoranca ka marrë një besim politik edhe më të madh se një vit më parë.
Në një potim në rrjetet sociale, kreu i qeverisë ka dhënë përgjigjen dhe qëndrimin e tij politik.
Postimi i Ramës
“FALEMINDERIT!
Fjalët e tepërta janë vërtet fukarallëk, nën dritën e rezultatit kuptimplotë të zgjedhjeve të Dibrës!
I falenderoj megjithë zemër, një për një, të gjithë zgjedhësit dibranë, për besimin e jashtëzakonshëm që na dhanë, përmes votës për kryebashkiakun Muharrem Rama.
Dhe dëshiroj të nënvizoj se këtë fitore të madhe, unë e lexoj mbi të gjitha si një detyrim shumë të madh ndaj dibranëve.
Me mirënjohje të thellë, angazhim të madh e përunjësi në detyrë, ne do të bëjmë çmos të jemi në lartësinë e nderit të posaçëm që na bëri Dibra, me besimin e paçmueshëm që na dha sot!”
/tesheshi.com/
