Nënkryetari i Partisë Demokratike, Edi Paloka, ka reaguar përmes një komenti në rrjetet sociale në lidhje me deklarimet e bëra nga kryeministrii Edi Rama gjatë një bashkëbisedimi me gazetarët mëngjesin e sotëm në Velipojë.
Paloka shkruan se kryeministri përdor gazetarët, ashtu siç bën këngëtari Sinan Hoxha me balerinat për videoklipet e tij.
“Rama, ashtu siç pritet prej tij, po i kalon të gjitha nivelet e talljes, cinizmit dhe arrogancës.
Që shumica e mediave tanimë ose janë shitur ose i janë nënshtruar presioneve të “liderit”, ky është një fakt i njohur. Por zakoni më i fundit i Ramës, që i përdor gazetaret si Sinani balerinat për të realizuar videoklipet e tij , tregon se sa shpejt po rrokullisemi.
Sigurisht që faji nuk është i gazetareve që detyrohen të behen pjesë e shfaqjeve të tilla, por nëse nuk fillon të reagoje gjithesecili për të mbrojtur lirinë, personalitetin dhe dinjitetin e tij sot, nesër do të jetë shumë vonë”, shkruan Paloka. /tesheshi.com/
