Ndërsa më 22 dhjetor shfuqizimi i Speciales nuk ndodhi falë Lëvizjes Vetëvendosje, e cila nuk bëri kuorumin në mbledhjen e Kryesisë dhe pamundësoi mbajtjen e seancës së jashtëzakonshme, kjo parti tashmë ka ndërruar qëndrim dhe do të votoi “pro”.
Këtë e ka bërë të ditur gjatë një interviste për gazetën “Zëri”, deputeti i VV-së, Rexhep Selimi.
Selimi thotë se vota “pro” nuk po bëhet për mbrojtjen e individëve të caktuar, por për qytetarët e Kosovës.
Ai thotë se nismën për zhbërjen e Gjykatës Speciale do të duhej ta merrte qeveria ose presidenti, por sipas tij, ata po shfrytëzojnë “individë” e rrugë të tjera për këtë gjë.
Kujtojmë se Kuvendi është në pushim deri më 15 janar dhe pas kësaj date mund të tentohet sërish që Specialja të shfuqizohet përkundër thirrjes së ndërkombëtarëve që të mos ndodh kjo pasi pasojat do jenë të mëdha për Kosovën. /tesheshi.com/
