Pos një pjese të politikës, edhe përfaqësuesi e shoqatave të UÇK-së vazhdojnë të kërkojnë shfuqizimin e Speciales, pavarësisht thirrjeve të ndërkombëtarëve që të mos ndodh kjo pasi shkatërrohet e ardhmja e Kosovës.
Është Xhavit Jashari që përfaqëson familjet e dëshmorëve të UÇK-së që ka kërkuar nga deputetët të mos e lënë funksionalizimin e kësaj gjykate në të kundërtën siç ka thënë ligjvënësit do e keqpërdorin votën, shkruan “Koha Ditore”.
“Në situatën çfarë sot jemi ka vend për kritika, ka shumë vend për të shprehur dilema se a po realizohet amaneti i dëshmorit, se a po respektohet lufta e drejtë dhe e pastër e UÇK-së? Dhe unë me përgjegjësinë morale dhe njerëzore ju them para jush se jo. Sepse pas përfundimit të luftës janë krijuar institucionet e Republikës së Kosovës dhe këto duhet të jenë më të gatshme dhe më këmbëngulëse që të mos lejohet të degradohet lufta ose të krijohen siç nuk kanë hapur madje edhe rrugë të zgjedhurit tanë që të krijohet Gjykata Speciale për t’u dënuar kinse lufta e UÇK-së dhe se pjesëtarët e saj kanë bërë krime”, ka deklaruar Jashari në shënimin e 19-vjetorit të betejës te Tabet e Llapashticës në Podujevë. /tesheshi.com/
