Ushtria amerikane tha të martën se kishte kryer një test të raketës balistike ndërkontinentale Minuteman III që ishte vonuar për shkak të rritjes së tensioneve me Pekinin gjatë stërvitjeve kineze në fillim të këtij muaji.
Në një deklaratë të ushtrisë amerikane, thuhet se testi tregoi “gatishmërinë e forcave bërthamore amerikane
dhe siguroi besim në efektivitetin e parandalimit bërthamor të SHBA“, raporton Reuters.
Në prill, ushtria amerikane anuloi testin e raketës balistike ndërkontinentale Minuteman III.
Vonesa kishte për qëllim uljen e tensioneve bërthamore me Rusinë gjatë luftës në Ukrainë.
Minuteman III me aftësi bërthamore, i ndërtuar nga Boeing, është kritik për arsenalin strategjik të ushtrisë amerikane.
Raketa ka një rreze veprimi prej 9,660 kilometrash e më shumë dhe mund të udhëtojë me një shpejtësi prej afërsisht 24,000 kilometra në orë. /tesheshi.com/
