Ish-kreu i të përndjekurve politikë, Nebil Çika, kritik i fortë i PD-së dhe i Berishës në lidhje me moshapjen e dosjeve, ka nxjerrë dy emra ish-ministrash demokratë si ish-spiunë të Sigurimit të Shtetit. Një prej tyre, Genc Ruli.
“Sa për të kuptuar përdorimin politik të dosjeve të Sigurimit nga Berisha!
Këto janë dy dëshmi, njëra në hetuesi e Genc Rulit për Gjergj Peçin i dënuar për agjitacion e propagandë dhe tjetra në gjykatë e Abdyl Xhaja për Trifon Xhagjikën, poet i pushkatuar politik .
Që të dy kanë marrë certifikatën e ‘pastërtisë’ nga komisioni ‘Mezini’.
Të dy deputetë dhe ministra të PD -së. Por nuk janë vetëm këta duroni edhe pak se do shikoni thagma!
Ja pse janë kundër hapjes së dosjeve, jo vetëm se nuk duan të dekonspirojnë spiunët por se nuk duan tu zbulohet manipulimi dhe përdorimi politik i tyre.
Masakra që kanë bërë në shpinë të të përndjekurve politikë duke i detyruar të votojnë për ta! Se na hapën barkun ca të përndjekur politikë duke mbrojtur spiunët!”, shkruan Çika, njëherësh duke publikuar dokumenta kompromentuese.
Ndërhyrja e tij vjen në kohën kur mazhoranca ka votuar hapjen e dosjeve, më saktë shfyqizimin e ligjit të deritanishëm për komisionet “Mezini” dhe “Bezhani”, një lloj mburojë për shumë figura politike me njollë nga e kaluara.
Shkak është bërë Ilir Meta, për të cilin dyshohet si Ilir Metaj, në kohën studentore, ka kryer detyrën e spiunit të Sigurimit të Shtetit. /tesheshi.com/
