Ronaldinho, futbollisti legjendar brazilian, po ballafaqohet me probleme të mëdha financiare dhe mund t’i humbë të gjitha pronat luksoze.
Siç shkruajnë mediat braziliane, pas përfundimit të një karriere të madhe, shumë probleme financiare kanë lindur në jetën e futbollistët, gjë që e ka detyruar që të udhëtojë botën me vëllain dhe menaxherët për të fituar para me reklama.
Tani është ngritur një problem tjetër, sepse Ronaldinho dhe vëllai i tij e kanë thyer ligjin për ndërtimin e një objekti në një zonë të mbrojtur.
Gjykata vendosi që ta gjobisë, por pasi që Ronaldinho nuk pagoi gjobën sepse në llogari iu gjetën vetëm gjashtë euro, atij iu konfiskuan pasuri me vlera të mëdha, ku veçojnë shumë makina luksoze.
Gjithashtu, prokuroria e shtetit në Brazil po heton mbi një fshehje të mundshme të pasurisë së Ronaldinho-s.
Braziliani nisi të shkëlqejë në fillim të viteve 2000, ku në Europë pati një karrierë të zëshme me Barcelonën dhe Milanin. /tesheshi.com/
