PD ka zyrtarizuar qëndrimin e saj kundër SHBA për dërgimin e ngërccit kushtetues në Venecia, gjë e cila ka irrituar kreun e shtetit. Në argumentin e demokratëve, shprehur nga nr.2 Gazmend Bardhi, thuhet se Venecia do e vononte krijimin e Kushtetueses, e sipas tij, intepretimet mbi opinionet nuk do zgjdhnin gjë.
“Lidhur me dërgimin e çështjes në Komisionin e Venecias, Partia Demokratike shpreh bindjen se për Shqipërinë dhe qytetarët e saj është me rëndësi themelore vënia në funksionim sa më parë e Gjykatës Kushtetuese.
Duke patur në konsideratë se Komisioni i Venecias nuk jep vendime por opinione, e vetmja pasojë do të ishte vonesa e bërjes funksionale të Gjykatës Kushtetuese dhe hapja e një debati tjetër mbi lexime të kundërta të cfarëdo opinioni të Komisionit të Venecias nga palët.
Shqipëria nuk mund të vazhdojë të mbetet peng i këtyre debateve. Shqiptarët nuk meritojnë të mbeten për muaj të tjerë pa Gjykatë Kushtetuese.
Për këtë arsye, vijimi i këtij debati vetëm sa shtyn bërjen funksionale të Gjykatës Kushtetuese, e zvarrit atë dhe pamundëson që Shqipëria të ketë Gjykatën Kushtetuese funksionale deri në fund të vitit”, deklaron Bardhi.
Nga ana tjetër, PD ka dalë dhe kundër qëndrimit të shprehur nga BE pak ditë më parë, ku ndryshe nga SHBA që këshillon Venecian, nga Brukseli u tha se Meta po shkel Kushtetutën me emërimet në Gjykatën Kushtetuese.
“Ne mbështesim plotësisht qëndrimin institucional dhe kushtetutes të Presidentit të Republikës për emërimet në Gjykatën Kushtetutese”, thuhet në deklaratë. /tesheshi.com/
