Fenomeni i shfaqur në Tiranë, me autobusë urbanë që aksidentohen e gati të bëjnë gjëmën, është shfaqur dhe në Gjermani së fundi.
Kështu, një autobus u përplas me një shtëpi të hënën në Castrop-Rauxel.
Shoferi i autobusit dhe një pasagjer kanë mbetur të plagosur rëndë dhe janë dërguar në spital, njoftoi policia në mbrëmje. I plagosur lehtë ka mbetur edhe banori i shtëpisë në të cilën u përplas autobusi.
Nga përplasja është dëmtuar rëndë autobusi, si dhe shtëpia. Sipas vlerësimeve të para të zjarrfikësve, godina rrezikohet nga shembja, njofton policia.
Është ende e paqartë pse autobusi ka humbur kontrollin. Ai ka dalë nga rruga, ka goditur disa automjete të parkuara në anë të rrugës dhe ka përfunduar duke u përplasur me një shtëpi.
Gjatë kohëzgjatjes së masave të shpëtimit, rruga është dashur të mbyllet plotësisht në të dy drejtimet. /tesheshi.com/
