Çështja e Teatrit është bërë edhe më politike, pasi së fundi në lojë aty është futur dhe presidenti Meta, i profilizuar së fundmi dhe si një aktor klasik politik në përplasje me mazhorancën.
Meta postoi këtë mëngjes një status ku bëri me dije se i ka dërguar Alancës për Teatrin një letër mbështetesë, e këtë e ka shoqëruar dhe më një video të 19 viteve më parë, aty ku Rama shfaqet në rolin e ministrit të Kulturës në qeverinë e tij, e ku afirmon angazhimin e Metës si kryeministër në mbrojtje të trashëgimisë.
“Po ju njoh me faktin se dje i kam dërguar një letër Aleancës për Mbrojtjen e Teatrit Kombëtar, për të konfirmuar mbështetjen time në aplikimin e saj drejtuar organizatës prestigjoze ‘Europa Nostra’ për mbrojtjen e kompleksit të Teatrit Kombëtar dhe Teatrit Kombëtar Eksperimental.
Po kështu të gjitha qëndrimet e mia në mbrojtje të trashëgimisë historike e kulturore të Tiranës, kanë qenë dhe janë në koherencë të plotë për këtë çështje prej 20 vitesh.
Dëgjoni ju lutem kryeministrin aktual, z.Rama se si e konfirmonte këtë fakt në vitin 2000, kur shërbente me devocion të jashtëzakonshëm si ministër Kulture, në qeverinë që unë drejtoja”, shkruan Meta.
E siç mund të kuptohet nga deklarimet e Ramës, fjala është për kompleksin e ministrive, të parat ku ky i fundit ndërhyri për t’i rehabilituar.
Por duhet kujtuar fakti që që në atë kohë, Rama ndërmorri inisiativën për ta zëvëndësuar Teatrin e vjetër me një të ri, siç dot. Por për këtë të fundit, Meta në atë kohë ka heshtur. /tesheshi.com/
https://www.facebook.com/ilirmetazyrtar/videos/343188466592482/?t=1
