Duke i qëndruar akuzës së dhe Mark Babani, kreu i ri i Bashkisë së Vaut të Dejës, është po ashtu me të kaluar kriminale, PD nxorri dokument që pretendon se e provon këtë fakt.
“Mark Babani, me emrin e rremë Marq Babaj, është arrestuar më datë 4 Prill 1994, në Itali, në zonën e Siçilisë, për kryerjen e veprës penale ‘Vjedhje në rrethana rënduese, e kryer në bashkëpunim’. Ai është arrestuar nga Policia Italiane duke vjedhur makina. Kandidati i Edi Ramës për Vaun e Dejës ka qenë pjesë e një grupi kriminal që vepronte në zonën e Siçilisë dhe që kishte kryer disa vjedhje.
Mark Babani alias Marq Babaj ka qëndruar në burg deri më datën 6 Maj 1994 dhe më pas është dënuar dhe dëbuar nga shteti Italian.
Kjo është vetëm një pjesë e dosjes kriminale të kandidatit të Edi Ramës për Vaun e Dejës.
Këto të dhëna provojnë se Mark Babani është subjekt ndalimi për të ushtruar një funksion publik nga ligji i dekriminalizimit.
Sipas ligjit për dekriminalizimin nuk mund të kandidojnë dhe as të zgjidhen kryetarë bashkie, personat ndaj të cilëve është marrë një masë arresti me burg, vendim dënimi apo dëbimi në një nga vendet e Bashkimit Europian, në rastin konkret në Itali.
Gjithashtu, Mark Babani duhet të ndiqet penalisht për fallsifikimin e Formularit të Dekriminalizimit”, deklaroi Sekretari i Përgjithshëm demokrat, Gazmend Bardhi.
Më parë, Babani tha se në jetën e tij nuk kishte marrë asnjë dhe gjobë nga shteti, e jo më te që dënuar. /tesheshi.com/
