Themelimi i ushtrisë vazhdon të jetë ndër premtimet kryesore në parafushatën zgjedhore në Kosovë. Pas premtimit që bëri ditë më parë Ramush Haradinaj, kandidat kryeministër nga PDK, AAK, NISMA, se do themeloj ushtrinë kur të marrë pushtetin, sot një premtim të tillë e ka bërë edhe Albin Kurti, i nominuari për kryeministër nga Vetëvendosje.
“Do ta bëjmë Kosovën me ushtri – do ta bëjmë themelimin e Forcave të Armatosura të Kosovës. Ne do të nisim bisedimet më gjithë faktorët politikë për themelimin e ushtrisë dhe anëtarësimin e saj në NATO”, ka deklaruar Kurti, por nuk ka dhënë një datë se kur mund të ndodh një gjë e tillë.
Kurti, sot ka folur edhe për Demarkacionin me Malin e Zi, me ç’rast ka thënë do të bëjnë edhe rishikimin e kësaj marrëveshje.
“Do të nisim bisedime direkte me Qeverinë Malit të Zi. Do të bëjmë delimitim para demarkacionit”, ka thënë Kurti./tesheshi.com/
