Kryeparlamentari, Kadri Veseli ka dënuar ashpër sulmin e mbrëmshëm terrorist në Aeroportin e Stambollit, ku si pasojë humbën jetën dhjetëra qytetarë të pafajshëm dhe u lënduan shumë të tjerë.
“Sulmi i mbrëmshëm terrorist në Aeroportin e Stambollit që mori jetën e dhjetëra qytetarëve të pafajshëm dhe la të lënduar edhe shumë të tjerë, nuk është i drejtuar vetëm kundër sigurisë së shtetit turk, por synon të krijojë efekt pasigurie në shkallë globale. Ne ndajmë dhimbjen me të afërmit e viktimave të pafajshme dhe qëndrojmë pranë shtetit mik Turqisë si aleat, së bashku me gjithë botën demokratike, në luftën kundër terrorizmit, kësaj të keqeje globale”, ka thënë Veseli.
Ndryshe nga ky sulm sipas mediave të huaja mbetën të vrarë 36 persona si dhe mbi 100 të tjerë u plagosën. /tesheshi.com/
