Pas Shqipërisë është Kosova që pritet t’i drejtohet Komisionit të Venecias për ngërçet e saj politike të natyrës juridike.
Kështu, qeveria “Kurti”ka vendosur që t’i drejtohet instancës prestigjoze europiane për vlerësime juridike dhe konstitucionale, në lidhje me aktin e presidentit Thaçi, i cili ka mandatuarAbdullah Hotin e LDK-së për kryeministër të ri. Për Kurtin, kjo është anti-kushtetuese.
Zëdhënësi i qeverisë Përparim Kryeziu, tha se pos në Gjykatën Kushtetuese, vendimmarrja e Thaçit duhet të vlerësohet dhe nga Venecia.
“Përpos Gjykatës Kushtetuese, në lidhje me raportin dhe rolin e presidentit në procesin e formimit të Qeverisë, do t’i drejtohemi edhe Komisionit të Venecias. Jemi duke shqyrtuar format se si dhe kohën se kur një gjë e tillë mund të ndodhë”, tha zëdhënësi i Kurtit.
Kyi fundit, e quan kushtetuese atë që edhe pse i rrëzuar me mocion në Kuvend, mund ta vijojë qeverisjen deri në zgjedhje të reja.
Ndërkohë, akti i Thaçit erdhi pasi Kurti refuzoi t’i dërgonte emër tjetër nga VV për t’u mandatuar, e njëherësh pas një takimi me forca të tjera politike doli me qëndrimin se nuk duhet të ketë të tjera zgjedhje të reja.
Paralel me këtë zhvillim, LDK që rrëzoi Kurtin, vendosi të krijojë aleancë me AAK-në dhe NISMA-n, me qëllim që t’i marrë drejtimin e qeverisjes. /tesheshi.com/
