Pas komunieteve të krishtera, është dhe Komuniteti Mysliman i Shqipërië ka lëshuar një deklaratë ku kërkon të miratohet reforma për drejtësi.
KMSH ka marë rolin e një “udhëzuesi shpirtëror” për reformën, në një deklaratë thuhet:
Komuniteti Mysliman i Shqipërisë është duke ndjekur me vëmendje zhvillimet e fundit të punimeve për reformën në drejtësi.
Duke parë rëndësinë e kësaj reforme, KMSH shpreson që Kuvendi i Shqipërisë do të reagojë maturisht dhe do bëjë zgjedhjen më të mirë të mundshme, e cila do të shërbejë në të mirë të qytetarëve dhe politikave të Republikës së Shqipërisë.
I bëjmë thirrje të gjithë klasës politike dhe grupeve të interesit të gjejnë rrugën e përbashkët dhe të bien në konsensus për reformën në drejtësi, duke marrë parasysh interesin kombëtar dhe mbarëshoqëror.
Ne jemi përkrah çdo nisme e cila i shërbën shoqërisë shqiptare dhe që sjell zhvillim dhe prosperitet në vendin tone”.
Kjo është e para herë të komunitetet fetare në Shqipëri angazhohen me deklarata në funksion të një zhvillimi të caktuar politik. Dhe nuk është e vështirë të kuptohet që më shumë se nga një providencë qiellore, ata janë diktuar nga një perandori tokësore, për t’u shprehur “pro” miratimit të reformës në drejtësi. /tesheshi.com/
