Sistemi i drejtësisë në Kosovë 17 vjet pasluftës vazhdon të jetë në gjendje të rëndë, pasi shumë lëndë i ka mbuluar pluhuri.
Gjykatat dhe prokuroritë në vend në shumicën e rasteve udhëhiqen nga gjyqtarë e prokurorë të emëruar politikisht për çka nuk pritet të ndodh ndonjë reformim.
Se gjykatat janë në krizë të thellë, e dëshmon edhe një rast që ndodhi së fundmi në Gjykatën e Skënderajt, e cila është degë e Gjykatës Themelore të Mitrovicës, ku orari i punës shfrytëzohet për lojëra kompjuterike.
Një zyrtare e kësaj Gjykate, është fotografuar duke luajtur me një nga lojërat kompjuterike gjatë orarit të punës.
Fotografinë në fjalë e ka shpërndarë në FB një qytetar i komunës së Skënderajt, i cili në mënyrë ironike thotë se kjo është “arsyeja pse në gjykata bëhet grumbullimi i lëndëve”.
Sipas këtij qytetari, ngjarja thuhet se ka ndodhur dje.
Ndryshe, keqpërdorimet para dhe pas orarit të punës, nga persona zyrtarë tashmë janë gjëra të ditura, derisa përgjegjësit heshtin dhe nuk marrin masa ndaj këtyre të ashtuquajtur punonjës të shtetit. /tesheshi.com/
