Nën atmosferën e rënduar të zhdukjes së gazetarit saudit Jamal Khashoggi në konsullatën e vendit të tij në Stamboll, një akuzë mbërrin nga Katari karshi Riadit, e që ka të bëjë me zhdukjen e pretenduar të katër qytetarëve të saj në territorin saudit.
Komiteti Kombëtar i të Drejtave të Njeriut (NHRC), me bazë në Doha, lëshoi një deklaratë duke thënë se Arabia Saudite mban përgjegjësi për fatin e katër njerëzve të saj.
Presidenti i NHRC-së, Ali ibn Samikh al-Marri, kërkoi që Arabia Saudite të ngarëkojë njerëzit e saj për të hetuar rastin.
“Ajo që po ndodh do lërë lërë një shenjë të thellë në brezat e ardhshëm”, ka thënë Al-Marri.
NHRC gjithashtu kontaktoi Zyrën e Komisionerit të Lartë për të Drejtat e Njeriut të Kombeve të Bashkuara, duke kërkuar ndërhyrjen për fatin e të zhdukurve.
Fjala është për 29-vjeçarin Talal Nawaf al-Rashid dhe 63-vjeçarin Mohsen Saleh al-Korbi, të cilët sipas Katarit kanë hyrë në Arabinë Saudite në prill dhe maj të vitit të kaluar, dhe më pas rezultojnë të zhdukur.
Doha zyrtare thotë se Al-Rashid, i cili ka shtetësi të dyfishtë të Katarit dhe Arabisë Saudite, u arrestua në Kuvajt dhe më pas u ekstradua në Arabinë Saudite.
Ndërsa Al-Korb, i cili thuhet vuan nga disa sëmundje kronike, ishte rrugës për në Jemen ku do vizitonte ë afërmit, por në kufirin me Omanin është arrestuar nga forcat saudite.
Emrat e dy shtetasve të tjerë të humbur nuk janë publikuar ende.
Në qershor të vitit 2017, Arabia Saudite, Emiratet e Bashkuara Arabe, Bahreini dhe Egjipti, u dhanë fund lidhjeve politike dhe ekonomike me Katarin duke i imponuar këtij vendi të vogël të Gjirit një bllokatë bë tokë, det dhe ajër, nën akuzat se po mbështet ekstremizmin dhe terrorizmin në rajon. /tesheshi.com/
