Edhe kryetari i PDK-së, njëherit kryekuvendari Kadri Veseli ka dalë kundër idesë së presidentit Hashim Thaçi për korrigjim kufijsh. Ai përmes një konference të jashtëzakonshme për media idetë e fundit i ka qujatur skenar jashtë interesave të Kosovës dhe partnerëve të vendit.
“Ngritja e kësaj teme të rrezikshme, do ta dëmtojë Kosovën në dialog. Temat e ndarjen nuk i japin fuqi Kosovës, por krijojnë panik dhe pasiguri tek qytetarët tanë. Shteti i Kosovës, integriteti i Kosovës janë të shenjta. Në të njëjtën kohë nuk do të ketë asociacion me kompetenca ekzekutive”, tha Veseli.
Ai ka folur edhe për seancën e jashtëzakonshme të thirrur nga opozita më 4 shtator të cilën ka thënë se partia e tij nuk e përkrah pasi uk i ndihmon Kosovës dhe se diskutimi i kufijve në diskursin e brendshëm politik i ndihmon vetëm atyre që janë kundër vendit.
“Të flasësh për ndarje në Kuvendin e Kosovës nuk i bënë mirë vendit, i shërben vetëm interesat e atyre që janë kundër Kosovës. Këto janë vetëm skenarë, të flitet për këtë temë pa fakte, pa argumente, vetëm sa e dëmton vendin në procesin dialogues”, deklaroi Veseli. /tesheshi.com/
