Vladimir Gjuta, një emër i njohur edhe për delikuencën e tij kriminale (në rastin më të fundit që përfundoi në burg, i kish thyer dhëmbët me çekiç një kushëriri), u fut në skanerin e OFL për t’ju verifikuar pasuria.
Kjo ndodh një ditë pasi ai u arrestua në afërsi të PS-së, duke patur me vete një pistoletë të mbushur dhe 120 mijë euro.
Si hap i parë, atij i është bllokuar një mjet i blinduar Audi.
Sakaq, në media kanë dalë fakte kompromentuese për gjyqtarë që kanë dhënë vendimin për lirimin e tij, ndërkohë që ka qenë i destinuar për regjimin “41 bis”.
Paralel me këtë zhvillim, ministri Lleshaj ka urdhëruar bllokimin e të gjithë automjeteve të blinduara në rrugë.
“Deri në ndryshimin e aktit normativ ekzistues, edhe nëse ndonjë shtetas disponon një kontratë të rregullt ligjore si pronar i mjetit të blinduar dhe ata që aktualisht disponon një targë të rregullt të regjistrua të mjetit të blinduar nuk do të pajiset me autorizimin për targimin e tij apo autorizim të posaçëm për qarkullim deri në një njoftim të dytë. Për rrjedhojë nuk do të lejohen të qarkullojnë'”, thuhet në deklaratën drejtuar Drejtorive Rajonale të Shërbimit të Transportit Rrugor. /tesheshi.com/
