Moska është treguar sërish e hapur për t’i ofruar Shqipërisë vaksinat e saj Sputnik V, tashmë që dhe shkenca europiane konfirmoi efikasitetin e lartë të saj, ndonëse EMA ende s’e ka miratuar.
“Qeveria e secilit vendi vendos vet me cilët kompanitë ajo dëshiron të negociojë marrjen e vaksinave.
Nëse Qeveria e Republikës së Shqipërisë do të dëshirojë të mbajë negociata me Fondin Rus të Investimeve Direkte, Fondi në fjalë patjetër do të jëtë i gatshëm t`i fillojë ato.
Në këtë rast kjo gjë nuk ka asgjë të bëjë me ambasada ne vetëm mund të informojmë organet përkatëse shtetërore për mundësi të tilla”, është thënë nga ambasada ruse në Tiranë në një prononcim për gazetën Si.
Kujtojmë se Rama është treguar jo vetëm i ftohtë për ofertëb ruse, bërë gati një muaj më parë, por dhe ironik. Në finale, e ka refuzuar ofertën “zemërgjerë” të rusëve.
Por së fundi, pasi dhe Europa po drejton sytë nga Rusia për Sputnik V, Rama la të hapur një hapësirë.
“Përsa i përket vaksinave lindore, ruse apo kineze asnjë paragjykim për aspektet shkencore, respekt për shkencëtarët, por zgjedhja jonë është të kërkojmë vaksina në krahun perëndimor të Shqipërisë.
Nëse BE do të hapet ndaj vaksinave kineze dhe ruse, ne do të rishikojmë qasjen”, do të deklaronte Rama pak ditë më parë. /tesheshi.com/
