Aksidentet dhe pasojat kanë marrë trajtën e një lufte në Shqipëri. Më e fundit, një përplasje te “21 Dhjetori” në Tiranë gjatë natës, ka shkaktuar dy jetëhumbje. Sërish pas kësaj ploje të radhës qëndron një i ri, që sipas të dhënave të para, ka qenë i dehur në timon, duke bërë që të mos njohë shenjë semafori në kryqëzi.
Aksidenti i rëndë u regjistrua rreth orës 03:20, ku u përfshinë një Citoren me drejtues Emirjan Dokon, 30 vjeç dhe mjeti me drejtues Luan Cenollarin.
Si pasojë e përplasjes së fortë kanë ndërruar jetë Cenollari dhe pasagjeri në automjetin e tij, i identifikuar si Ali Bejo 69 vjeç.
Dyshohet se shkaktar i aksidentit është Emirjan Doko, i cili ka qenë i dehur në timon. Ai ka qenë duke ecur me shpejtësi dhe kësisoj është futur me semafor të kuq. Nga kontrolli i mjetit të tij është gjetur një armë zjarri e llojit pushkë 20-she.
Nuk dihet nëse arma ishte me leje dhe as përse Doko e mbante atë me vete, ndërsa policia ka nisur hetimet. Ai është dërguar në spital, ku ndodhet nën kujdesin e mjekëve.
Është një situatë ku nuk po vlejnë as masat e ashpra të Policisë. Sa më të ashpra madje, aq më shumë shtohen shkeljet, por dhe me pasoja tragjike. Si në rastin e fundit. /tesheshi.com/
