Pas ministrit Tahiri, një ditë më parë, edhe kryetari i Bashkisë së Durrësit Vangjush Dako i ka kaluar me indiferentizëm akuzat që vijnë nga kolegët e LSI-së. Në përgjigje të deklaratave të ashpra të ministrit të Mjedisit, Lefter Koka që foli për strategji të socialistëve kundër LSI-së dhe kritikoi punën e policisë në Durrës, Dako komentoi duke thënë se nuk merret me llafe.
“Janë qytetarët që vlerësojnë punën dhe kontributin e gjithsecilit”, u shpreh Dako, duke shtuar se qytetarët dinë të bëjnë diferencën. “Në fund të fundit ata duan punë dhe shërbime nga ne, drejtuesit që na kanë besuar drejtimin e qytetit. Ne do ta vazhdojmë punën deri në momentin që qytetarët do të duan të jem unë në krye të bashkisë”, tha Dako.
Në një intervistë ekskluzive për “Ora Neës” ministri i Mjedisit, Lefter Koka, akuzoi kryetarin e bashkisë së Durrësit për abuzime me fondet publike, se e ka shpallur si kundërshtar LSI-në dhe akuzoi policinë e Durrësit të lidhur me segmente të krimit dhe se rrezikon zgjedhjet e 18 qershorit. /tesheshi.com/
