Pas kreut demokrat Basha, është dhe ai i diplomacisë shqiptare, Ditmir Bushati, që shpreson e beson se administrata e re e presidentit Trump, nuk do e lerë në baltë Ballkanin, duke nënkuptuar këtu edhe Shqipërinë. Sipas tij, edhe me të në krye të Shtëpisë së Bardhë, kursin euro-atlantik i rajonit nuk do ndërpritet. Bushati e shprehu këtë bindje në një mesazh në FB, duke ia kushtuar rreshtat e parë një falenderimi ndaj homologut të tij amerikan që lë detyrën, John Kerry, në lidhje me angazhimin e këtij të fundit ndaj Shqipërisë, madje edhe duke na vizituar gjatë mandatit të tij në krye të diplomacisë amerikane.
“Teksa Sekretari Amerikan i Shtetit John Kerry lë detyrën, dëshiroj ta falenderoj përzemërsisht për përkushtimin e dëshmuar në çimentimin e partneritetit strategjik ndërmjet Shqipërisë dhe Shteteve të Bashkuara të Amerikës, sikundër për angazhimin e tij dhe të administratës së Presidentit Barack Obama për konsolodimimin e proceseve demokratizuese dhe forcimin e sigurisë në Europën Juglindore. Jam besimplotë se Sekretari ri i Shtetit Rex Tillerson dhe administrata e Presidentit Donald J. Trump do të vijojnë angazhimin amerikan në këtë kënd të Europës, si garancia e vetme për të intensifikuar më tej kursin euro-atlantik të rajonit”, thuhet në mesazhin e Bushatit.
Për politikat e jashtme të presidentit Trump ekziston perceptimi se ai nuk do e ketë angazhimin e deritanishëm që Amerikan ka patur në rajon. /tesheshi.com/
