Presidenti amerikan aktual Joe Biden synon të kandidojë sërish në zgjedhjet presidenciale të vitit 2024.
“Unë nuk e kam marrë ende atë vendim zyrtar, por synimi im është të kandidoj përsëri. Kemi kohë për ta marrë atë vendim,” tha Biden në një intervistë për MSNBC.
Biden theksoi se ai ende nuk ka marrë një vendim zyrtar për kandidaturën e tij dhe kjo është arsyeja pse ai duhet të trajtohet si kandidat presidencial që nga ai moment.
Biden aktualisht është afër mesit të mandatit të tij presidencial katërvjeçar. Shpallja e kandidaturës për zgjedhjet e ardhshme do të duhet të respektojë një sërë rregullash ligjore, raporton AA.
Lidhur me qëndrimet e zonjës së parë të SHBA-së, Jill Biden, presidenti tha se gruaja e tij e mbështet në synimin e tij.
“Gruaja ime mendon se ne po bëjmë diçka shumë të rëndësishme dhe unë nuk duhet të heq dorë”, tha Biden.
Në moshën 79-vjeçare, Joe Biden është presidenti më i vjetër amerikan, i cili përgjithësisht gëzon simpati mes demokratëve, por një numër i vogël i tyre ende shpresojnë që në zgjedhjet e ardhshme, të shfaqet dikush më i ri dhe dikush më pak i orientuar nga qendra se ai. /tesheshi.com/
