Arabia Saudite ka rënë dakord të blejë sistemin rus të mbrojtjes ajrore S-400, njoftoi të enjten televizioni al-Arabiya, gjatë një vizite të mbretit saudit Salman në Moskë.
Kanali televiziv me bazë në Dubai tha gjithashtu se Arabia Saudite kishte nënshkruar një memorandum mirëkuptimi për të ndihmuar mbretërinë në përpjekjet e saj për të zhvilluar industritë e veta ushtarake.
S-400 është sistemi më i përparuar kundërajror me rreze të gjatë veprimi dhe mund të mbajë tri lloje të raketave të afta për të shkatërruar objektiva, duke përfshirë raketat balistike dhe Tomahawk.
Ajo mund të ndjekë dhe të shënjestrojë deri në 300 objektiva në të njëjtën kohë dhe ka një tavan të lartësisë mbidetare prej 27 kilometrash. /tesheshi.com/
