Ecja e shpejtë në vend të qëndrimit ulur: edhe 10 minuta bëjnë dallim të madh

Një studim i ri ka treguar se kohëzgjatja e aktivitetit fizik është thelbësor për uljen e rrezikut nga sëmundjet kardiovaskulare tek njerëzit. Kohëzgjatja e qëndrimit ulur te njerëzit është i lidhur pikërisht me rrezikun e këtyre sëmundjeve si dhe diabetin. Hulumtimet nga Universiteti Orebro tregojnë se në fakt sasia ditore e aktivitetit fizik është i rëndësishëm për shëndetin e njeriut.

“Hulumtimi është kryer ne mesin e grave më të moshuara se 65 vjeç, sepse ato janë në mesin e popullatës më së paku aktive dhe janë të ekspozuara ndaj një rreziku më të lartë të sëmundjeve kardiovaskulare”, ka thënë Fawzi Kadi, profesor në Universitetin e Orebro.

Studimi tregon se sa e rëndësishme është që të insistohet në aktivitetet më të shpeshta fizike, dhe jo thjesht një ecjeje së lehtë, por të një të shpejtë që kërkon sforcim. Studimi përfshiu 120 gra të cilat i janë nënshtruar ekzaminimit mjekësor dhe brenda një jave aktiviteti i tyre fizik është monitoruar përmes akcelerometrit.

Siç tha Fawzi Kadi, hulumtimi tregon se efektet negative të të qëndruarit ulur për një kohë të gjatë zvogëlohet duke rritur aktivitetin fizik.

Kjo do të thotë se në qoftë se një person bën vrap dhe i dyti kryen një aktivitet më të vogël, personi i parë në raport me personin e dytë ka një rrezik më të ulët të sëmundjeve kardiovaskulare, pavarësisht nga sasia e kohës së shpenzuar ulur. /tesheshi.com/