Arbitri rumun i futbollit Octavian Sovre nuk do të gjykojë në ndeshjet e kampionatit rumun këtë fundjavë për shkak të një pezullimi të dhënë nga Shoqata Ruse e Futbollit për kërkimin e një autograf nga sulmuesi norvegjez Erling Haaland pas ndeshjes së Ligës së Kampionëve midis Manchester City dhe Borussia Dortmund.
Arbitri fatkeq rumun Octavian Sovre u filmua pas ndeshjes që vraponte pas Erling Haaland në tunelin nën stadiumin Etihad, i cili autogtafoi një karton të verdhë dhe të kuq për të.
Masa e tij u dënua menjëherë, kryesisht në rrjetet sociale, dhe më pas zyrtarët e UEFA-s reaguan.
“Kjo është e papranueshme, është çështje nderi”, tha Roberto Rosetti, gjyqtari i UEFA-s.
Por Rosetti nuk kishte si ta dinte që Sovre po mblidhte autografët e futbollistëve për t’i ofruar në ankandet e bamirësisë, me qëllimin për të mbledhur në ndihmë të fëmijëve autikë.
E përditshmja rumune Gazeta Sporturilor deklaron se gjykatësi e arsyetoi masën e tij duke thënë se ai e kishte bërë atë shumë herë dhe kishte mbledhur më shumë se 250 autografe. Ai më pas i dhuronte rregullisht kartat e autografuara nëpër ankandet ku grumbullohen fonde për të ndihmuar autikët.
Drejtuesit e UEFA-s urdhëruan një hetim të brendshëm dhe u dërguan një mesazh skuadrave të tyre të arbitrimit se një sjellje e tillë ishte e papranueshme dhe e padenjë. Për ta, kjo lëvizje fisnike e gjykatësit humanitar rumun është thjesht shkelje e rregullave. Kështu, drejtuesit e Federatës Rumune të Futbollit menjëherë ranë dakord me mendimin e “shefave” të tyre, dhe Octavian Sovre u pezullua deri në një njoftim tjetër.
Pra, një ndëshkim drastik për një lëvizje kaq fisnike! /tesheshi.com/
