Aaron Chervenak është martuar me telefonin e tij të zgjuar në një ceremoni të mbajtur në Las Vegas. Madje, ai i ka vënë dhe një unazë telefonit të tij.
Sigurisht, ai e din se martesa e tij nuk ka vlerë (ishte më shumë një lloj provokimi), megjithatë, për ata që morën pjesë në këtë ceremoni, e gjitha u duk mjaft e çuditshme.
Chervenak-ut i lindi kjo ide duke parë sa shumë janë të lidhur njerëzit me telefonat e tyre të zgjuar. Madje, një kërkim i bërë nga Kaspersky ka zbuluar se për shumë njerëz, telefoni i tyre është më i rëndësishëm se prindërit.
“E përdorim për zbavitje, për t’u relaksuar, për të fjetur. Për mua këto janë edhe karakteristikat e një marrëdhënieje në fakt. Kështu, në një farë kuptimi, marrëdhënia ime me telefonin tim është ndër më jetëgjata që kam pasur ndonjëherë. Prandaj vendosa ta martoj,” ka treguar Chervenak. “Nuk është e ligjshme të martohesh me një smartphone, por kjo martesë le të jetë simbol i rëndësisë së telefonave, të cilët janë bërë pjesë e rëndësishme e jetës sonë.” /tesheshi.com/
