Figura e Shukri Xhelilit, gjesti i tij i përçmuar, shija e hidhur që la në opinion me lapërdhërinë e tij të ulët që pati për simbolikë dhe një palë mbathje të grisura, do duhej të ishin arma më e fortë e PD-së përgjatë një muaji fushatë elektorale për bashkinë e lënë prej tij; ai duhet të ishte sllogani, posteri, denoncimi verbal kryesor në betejën opozitare, por që nuk ndodhi kështu.
Fushata në fakt, nga ana e PD-së nisi pikërisht me Shuken dhe kjo krejt natyrshëm. Ishte Edi Paloka ai që do thoshte në ditën e parë se “fitoren jua kishte dhënë Shukriu”. Dhe opozita pra futej me një avantazh të dukshëm që në start.
Por ditët që pasuan, ia lanë vendin një tjetër vizioni, një tjetër narrative. Shukja u la mënjanë dhe doli në pah investimi vetëm në staturën e kandidatit Shehu, profilin e tij etik e profesionist. Por dhe nga ana tjetër, në kampin përballë ishte pothuajse e njëjta vlerë. Madje doktor Rrema avantazhohej dhe nga fakti i të qënit doktor, rregullisht i lidhur me njerëzit e të gjitha shtresave, ku në vite ishte investuar si “njeri i denjë” i Dibrës.
Po ashtu, me Shuken nuk o morr as PS-ja, ndërsa tek përzgjedhja e Doktorit përcolli dhe njëfarë ndjese për zgjedhjen e paduhur të njeriut që i bëri proçkën muaj me parë.
Dhe kjo ishte një ndër të rrallat e kësaj fushate: Shukri Xhelili, njeriu që e çoi Dibrën në zgjedhje dhe ia futi të dridhurat të majtës, mbeti tërësisht i përjashtuar nga fushata! /tesheshi.com/
