Dorëzohet presidenti i shtetit maqedonas, Gjorgje Ivanov. Ai para pak çastesh përmes një komunikate me shkrim ka njoftuar se tashmë ka tërhequr abolimin për të gjithë politikanët e dyshuar për kryerjen e veprave penale.
Sipas tij kanë kaluar dhjetë ditë që kur e solli vendimin shlyerjen e vendimeve për abolim-lirim nga përndjekja, pa zbatim të proceurës për gjithsej 22 persona të eksponuar politikisht. Që atëherë të gjithë personat tjerë në përputhshmëri me ndryshimet ligjore, kishin mundësi të bëjnë kërkesë personale për shlyerjen e vendimeve të tyre për falje. Megjithatë, përkundër paralajmërimeve deklarative të një pjese të tyre në opinion se do ta bëjnë një gjë të tillë, deri tani asnjëri prej të aboluarve nuk ka kërkuar shfuqizimin e vendimit për faljen e tyre.
“Në këto dhjetë ditë ishim dëshmitarë të interpretimeve të ndryshme të këtij vendimi në skenën e polarizuar politike dhe tentimet që të përfitohen pikë poitike nëpërmjet këtij vendimi, për të cilin si atëherë, ashtu edhe tani, jam i bindur se do të kontribuoj për pajtim nacional dhe do të ofroj dalje nga kriza politike në Maqedoni. Për këtë shkak sot solla vendimin që të zhfuqizoj dhe vendime tjera për falje që i solla më 12 prill”, thuhet në njoftimin e Presidentit Ivanov.
Ndryshe vendimi për abolim i presidentit Ivanov nuk ishte mirëpritur aspak nga përfaqësuesit ndërkombëtar, po bile edhe nga pjesa dërmuese e vet të aboluarve. Në fillim Ivanov kundërshtonte tërheqjen e vendimit për abolim, më pas e tërhoqi pjesërisht, e që në fund rezultoi me tërheqje të plotë. M. Krasniqi – /tesheshi.com/
