Deri dje u tha se miratimi i reformës në drejtësi, është kusht i BE-së për hapjen e negociatave. Por sipas ministres së Integrimit, Klajda Gjosha, ëshët dhe ligji i vettingut ai që përbën një kusht.
Sipas Gjoshës është pozitiv miratimi me unanimitet i ndryshimeve kushtetuese në kuadër të reformës ne drejtësi, por kjo nuk mjafton, pasi Brukseli kërkon edhe votimin e ligjit për rivlerësimin e gjyqtareve e prokuroreve, pra vettingut
Sipas ministres së LSI-së, falë miratimit të reformës në drejtësi, por edhe arritjeve të tjera, Shqipëria shpreson qe Komisioni Europian te rekomandojë hapjen e negociatave.
Kujtojmë që edhe në Lazarat u ndërhy si një kusht europian, por kjo nuk e eliminoi kultivimin dhe tregëtimit e lëndëve narkotike. Përkundrazi, parcelat u shtuan akoma dhe më tepër. /tesheshi.com.
