Partia Demokratike e sheh me mjaft entuzaizëm ardhjen e Donald Trump në Shtëpinë e Bardhë. Ndryshe nga një perceptim i përgjithshëm se politikat e manjatit me qëndrime deri diku kontraverse mund të jenë në dëm të faktorit shqiptar në Ballkan, për kreun e PD-së Basha është e kundërta, por duke përqëndruar fillimisht vetëm në zhvillimet e brendshme të Shqipërisë, aty ku ngërthehet dhe protagonizmi i tij politik në përpjekjen për të riardhur në pushtet.
“Me ardhjen e presidentit Trump nis erë e re, jo vetëm për Amerikën por edhe për Shqipërinë, ku në qendër do të jetë qytetari dhe fuqia e qytetarit, vota e qytetari, zëri i qytetarit do të përbëj ndryshimin e vërtetë. Unë do të mbështetem fuqimisht tek ky shembull dhe kam besim te madh se ky shembull jo vetëm do mbështesë por edhe do të frymëzojë një ndryshim të shpejtë në Shqipëri”, tha Basha gjatë një interviste për Zërin e Amerikës, i ndodhur në Uashington për ceremoninë e inagurimit të presidentit të ri.
“Uashingtoni që mbetet thellësisht i interesuar për përparimin dhe zhvillimin e Shqipërisë dhe të një administrate të re të presidentit Trump që pret me padurim të vazhdoj kontributin për sigurinë, shtetin ligjor dhe zhvillimin e Shqipërisë dhe të shqiptarëve në të gjithë rajonin….”, ka theksuar Basha, duke ofruar një vizion krejt tjetër nga ai që mendimi i ftohtë politik dhe diplomatik nuhat për efektin “Trump” në zhvillimet rajonale. /tesheshi.com/
