Qeveria franceze njoftoi të hënën se kishte një “300% rritje” të akteve antisemite në Francë në tremujorin e parë të 2024 krahasuar me periudhën korresponduese në 2023.
“Askush nuk mund ta mohojë këtë tërbim antisemitik,” tha kryeministri francez Gabriel Attal gjatë një fjalimi në darkën e 38-të të Këshillit të Përfaqësuesve të Institucioneve Hebraike të Francës (Conseil représentatif des Institutes juives de France, CRIF) në Paris.
“Askush nuk mund ta mohojë faktin që hebrenjtë francezë përfaqësojnë 1% të popullsisë franceze, por mbi 60% e veprave penale antifetare janë antisemitike”, vazhdoi ai.
Ai përmendi “366 akte antisemite” të regjistruara në Francë në tremujorin e parë të 2024.
Përballë kësaj rritjeje, “asnjë veprim i vetëm nuk duhet të mbetet pa u ndëshkuar, asnjë antisemit nuk duhet të heshtë”, tha kryeministri francez, duke premtuar se në çdo rast të tillë do të tregohej “rreptësi shembullore”.
Duke thënë se nuk është e mundur, sipas ligjit francez, të zbulohen saktësisht numrat dhe dënimet e veprave penale të kryera për arsye fetare, ai njoftoi se i kishte kërkuar ministrit të drejtësisë Eric Dupont-Moretti “të gjente një mënyrë për të regjistruar këto raste kudo”, në të gjithë vendin.
Po kush është pas këtyre akteve? Dhe këtu vjen pushtllëku tipik francez.
“Islamizmi është një rrezik shumë serioz për Republikën tonë dhe një nga versionet më të rrezikshme, më shkatërruese të antisemitizmit”, deklaroi ai, duke u zotuar të “sulmojë kokë më kokë” islamizmin dhe çdo ideologji intolerante që përçan shoqërinë franceze.
E bëri këtë deklaratë duke mos ofruar asnjë të dhënë, asnjë fakt, se pas këtyre akteve janë muslimanë. Të tilla akte, ndodhur edhe më parë, nuk janë vërtetuar kurrë se janë nga duar muslimanësh. Kjo për arsyen e thjeshtë: antisemitizimi është “prodhim europian” në shekuj e apak islam. Në shekuj, hebrenjtë janë persekutuar nga europianët, ashtu siç Holokausti ndodhi në tokë europiane, e aspak në tokë islame. E kundërta: hëbrenjtë, kohët më të arta të tyre, i kanë përjetuar nën qeverisje dhe pushtete islame e muslimanësh.
Madje dhe krijimi i shtetit izraelit si një investim europian, në një tokë islame, ishte në thelb dhe një projekt europian përzënie të hebrenjve nga toka e tyre, duke jua kaluar muslimanëve belatë e tyre. /tesheshi.com/
