Mëngjesi i kësaj të shtune në Ankara ka rezultuar fatal për 30 persona, të cilët humbën jetën, e për 126 të tjerë, që u plagosën, pasi dy shpërthimeve pranë stacionit hekurudhor. Pikërisht në atë vend po bëhej gati të niste një manifestim i Konfederatës së Sindikatave të Sektorit Publik (KESK) dhe të unioneve të tjera, me sloganin “Punë, paqe, demokraci”, si një thirrje për t’i dhënë fund konfliktit të rindezur mes PKK-së dhe shtetit turk.
Qeveria turke e quajti “akt terrorist” atë çka ngjau sot në Ankara, si dhe ka organizuar një takim urgjent mbi sigurinë, që ka filluar pak më herët.
Presidenti i vendit anuloi programin e tij në Stamboll, e po kështu u anuluan një sërë mitingjesh partiake në kuadrin e zgjedhjeve që do të mbahen në 1 nëntor.
Turqia është përfshirë prej kohësh nga tensionet e aktet terroriste pas prishjes së armëpushimit nga PKK-ja, organizata terroriste kurde. Akti terrorist i sotëm shënon një kulm të ri në situatën e vështirë që po kalon vendi. /tesheshi.com/
