Aktori, tre muaj pas tragjedisë, pohoi se nuk e tërhoqi këmbëzën e armës që vrau Halina Hutchins në xhirimet e “Rust”
Analiza e FBI-së për armën që mbante Alec Baldwin kur qëlloi plumbin fatal që vrau kineasten Halina Hutchins, konfirmon se ai nuk mund të kishte qëlluar një plumb pa e tërhequr këmbëzën dikush.
Zbulimi në mënyrë indirekte hedh poshtë pretendimet e Baldwin, i cili tha në një intervistë dhjetorin e kaluar, tre muaj pas tragjedisë, se ai nuk e kishte tërhequr fare këmbëzën.
Por testet e FBI-së rrëzuan Baldwin. Në çdo rast, do të ishte e pamundur të gjuante plumbin pa e tërhequr këmbëzën dikush. Duke qenë se arma ishte në duart e aktorit, vetëm ai mund të ishte që plagosi për vdekje Hutchins.
Alec Baldwin në ABC News: “Unë nuk e tërhoqa këmbëzën”:
Raporti i FBI mbërriti më 2 gusht në zyrën e Sherifit të Santa Fe, e cila po kryen hetimet, 10 muaj nga dita e tragjedisë (më 21 tetor 2021) në xhirimet e filmit “Rust” në New Mexico.
Më pas i është përcjellë zyrës së ekspertit mjekësor, i cili po vazhdon hetimet, raporton Fox News. /tesheshi.com/
