Një pjatë me fare pak përbërës por e shijshme sikur ta kishit përgatitur me gjërat më të mira. Linda Fishta thotë se kjo pjatë kërkon pak kohë dhe mund të shoqërojë qoftë një sallatë jeshile, qoftë një fileto mishi të bardhë apo të kuq.
Përbërësit:
patate
degë rozmarine
vaj ulliri, kripë, piper
Përgatitja:
Ndezim furrën me 200°C. Patatet e lara dhe të qëruara i presim të holla, duke u nisur nga sipërfaqja deri në mes të patates.
I spërkasim me vaj ulliri, kripë, piper dhe vëmë gjethe rozmarine midis tyre.
I vëmë në tavë me letër furre dhe i pjekim për 30 minuta afërsisht. /tesheshi.com/
