Presidenti Donald Trump, të premten kërkoi të justifikonte ndalesën e tij të udhëtimit për imigrantët nga gjashtë vende me shumicë myslimane, duke thënë se shpërthimi në Londër është një tjetër provë se kundërshtimi në fakt është korrektësi politike.
“Ndalesa e udhëtimit në Shtetet e Bashkuara duhet të jetë shumë më e gjërë, më e ashpër dhe më specifike, por për arsye banale kjo nuk do të ishte politikisht korrekte!”, shkroi Trump në një stuhi të postimeve të tij në Twitter herët në mëngjes, menjëherë pas shpërthimit në një tren në metronë e Londrës.
I pyetur në Rose Garden se çfarë mendonte ai me cicërrimën, Trump u përgjigj para gazetarëve se “ne duhet të jemi më të zgjuar”.
Kjo nuk është hera e parë që Trump ka përdorur sulmin në Londër për të siguruar mbështetje për ndalesën.
Pas një sulmi në urën e Londrës në qershor, Trump tha: “Ne kemi nevojë për ndalesën e udhëtimit si një nivel shtesë të sigurisë!”
Urdhër-ndalimi ekzekutiv i Trump-it është kritikuar në masë të gjërë si një ndalim jo-kushtetues ndaj myslimanëve, përfshirë edhe një sërë gjyqtarësh të Gjykatës së Apelit.
Në qershor, Gjykata e Lartë lejoi që disa pjesë të ndalesës në vizat e reja për udhëtarët që vijnë nga Irani, Libia, Somalia, Sudani, Siria dhe Jemeni, të hyjnë në fuqi para argumenteve gojore të planifikuara për 10 tetor. Por është e paqartë se çfarë do të trajtojë çështja saktësisht.
Ndalesa 90-ditëshe e vizave skadon në fund të shtatorit dhe një ndalim për hyrjen e refugjatëve përfundon në fund të tetorit.
Administrata e Trump-it mund teorikisht të zgjasë këtë periudhë kohore të ndalesës, megjithëse ai duhet të tregojë nëse do ta bëjë këtë. /tesheshi.com/
