Kompania amerikane Firefly Aerospace u bë kompania e dytë amerikane që zbarkoi në Hënë me anijen e saj kozmike “Blue Ghost”, duke filluar kështu një mision eksplorimi.
Ajo u ul në orën 9:30 të mëngjesit pranë një hapjeje të lashtë vullkanike në Mare Crisium, një pellg i madh në pjesën verilindore të anës së Hënës me pamje nga Toka.
Kontrollorët e fluturimit në selinë e Firefly në Austin, Teksas, monitoruan zbritjen e anijes me një shpejtësi prej vetëm dy miljesh në orë, duke lejuar një ulje të saktë dhe të kontrolluar.
Transmetimi i drejtpërdrejtë konfirmoi se anija kozmike kishte hyrë në gravitetin e Hënës. “Ne jemi në Hënë,” tha Will Coogan, kryeinxhinieri i “Blue Ghost” që mori pjesë në kontrollin e misionit. Firefly u bë kompania e dytë private që kryen një ulje të butë në Hënë, pas Intuitive Machines, anija kozmike Odyssey e së cilës u ul në Hënë vitin e kaluar.
Deri më tani, vetëm pesë vende kanë kryer me sukses ulje të buta: ish-Bashkimi Sovjetik, SHBA, Kina, India dhe Japonia (vitin e kaluar).
“Blue Ghost” u lëshua një muaj e gjysmë më parë në një raketë SpaceX nga Qendra Hapësinore Kennedy e NASA-s në Florida. Ajo udhëtoi rreth 383,000 km deri në Hënë. “Gjithçka shkoi mirë, edhe në ulje, dhe më pas pamë që gjithçka ishte e qëndrueshme”, tha CEO i Firefly, Janet Petro.
We’re baaack! 🌕
Blue Ghost has landed, safely delivering 10 NASA scientific investigations and tech demos that will help us learn more about the lunar environment and support future astronauts on the Moon and Mars. pic.twitter.com/guugFdsXY3
— NASA (@NASA) March 2, 2025
Me mbështetjen e NASA-s dhe programit të saj Artemis, kompanitë private si Firefly, SpaceX e Elon Musk dhe “Blue Origin” e Jeff Bezos po luajnë një rol kyç në garën moderne për në Hënë. /tesheshi.com/
