Kishte kohë që i ruante, pasi dy ujq ishin duke bërë kërdinë mbi bagëtitë në fshat. Më në fund, fermeri Enver Maloku nga fshati Kikë i komunës së Kamenicës ka arritur të “shtijë” në dorë njërin prej tyre.
Sipas rrëfimit të treguar nga fermeri për korrespondentin e Kohës Ditore në Gjilan, dy ujqërit nga shkurti kishin vrarë rreth 20 krerë lopë me vlerë 30 mijë euro.
Fermeri tregoi se i kishte pikasur ujqërit kur kishin sulmuar në oborrin e tij. Ata, tha ai, ishin mjaft të guximshëm dhe koha e sulmeve të tyre mjaft e çuditshme.
“Ka qenë interesante sepse njëri ka tentuar që të habisë lopën dhe tjetri e ka sulmuar”, tha Enver Maloku.
Ai i ka pritur një ditë më pas, e “takimi” ka qenë në të njëjtën orë sikundër herën e parë. Ka qëlluar me pushkë dhe ka vrarë vetëm njërin prej tyre. Tjetri, thotë ai, ka mbetur pa bashkëpunëtor… /tesheshi/
