Nga Gjon Neçaj
Banorët e krahinës Nikaj Mertur në Tropojë, vuajnë prej vitesh faktin se atyre u është marrë këmbana e një kishe dhe nuk iu është kthyer më. Bëhet fjalë për këmbanën e kishës së Nikajve, aty ku më 1946-ën ka shërbyer dhe At Zef Pllumi si famulltar. 
Ajo që ka qenë një ndër kishat që i rezistoi sistemit komunist, ku fshatarët,, sidomos ato të Gjonpepajve ruajtën të gjitha ikonat, por sidomos këmbanën saj, e cila që daton e shekullit të 17-të, që mos binte në duart e komunistëve, të cilët mund ta kishin degdisur siç dinin ata, ndoshta për ta shkrirë në Metalulgjikun e Elbasanit.
Ajo ka qënë prej metali tunxh dhe krahas vitit ishte shkruar “Kishës së Nikajve”. Por në fillimin e viteve nëntëdhjetë u dëmtua dhe me kërkesë të banorëve dhe me mbështetje të bamirësve, në vitin 2000 filluan punimet për ndërtimin e kishës së re që u shugurua në vitin 2002. Kisha e re e pagëzuar si famullia “Shën Sebastian”, Gjonpepaj, Nikaj.
Por sipas banorëve, para disa vitesh erdhën nga Shkodra disa fretër të cilët e morën këmbanën e kishës nën preteksin se do ta riparojnë, por ajo nuk u pa më atyre anëve, pra nuk u kthye më.
Pas kërkesave të herëpashershme të banorëve të fshatit Gjonpepaj, u kishin thënë se do sjellin këmbanë tjetër, por deri më tani as këmbana e kishës që u ruajt me dekada e as këmbanë tjetër nuk erdhi, ndonëse kisha pra ka përfunduar para 14 vjetësh. Këtë e pohon edhe prifti Dom Maurizio Caçiola që shërben në famullinë “Shën Gjoni” Dushaj.
Administratori i njësisë administrative Nikaj Mertur, Gjevalin Gjeloshaj, në zbatim të ankesave të banorëve lidhur me marrjen e këmbanës, të cilën e konsiderojnë dhe vjedhje, ka vënë në dijeni edhe ipeshkvin me qendër në Laç, duke shprehur u optimist se kërkesat e besimtarëve për kthimin e këmbanës do realizohet.
Banorët e zonës së thellë të Tropojës, të njohur për besimin e tyre katolik, e kanë për krenari që kanë mundur të sfidojnë ish-sistemin duke bërë të mundur ruajtjen e disa simboleve që për ta janë pjesë e pandashme e besimit.
Ndaj dhe e quajnë absurd që pikërisht një këmbanë të rallë, në vend ta humbisnin nga komunistët, e kanë humbur nga vetë njerëzit e kishës, ata të cilët e kanë marrë dhe nuk e kanë kthyer prej vitesh.
Ndërkohë, pjesë e krenarisë së tyre është dhe ruajtja duke e futur nën tokë, e një statuje të Jezu Krishtit. Kjo ka ndodhur në Curraj Epër nga familja e Grimc Demës, ku statuja në fjalë ka qëndruar 23 vite e groposur për të mos rënë në duart e të “të pa feve”, siç i cilësonin banorët drejtuesit e ish-regjimit.
Por tani ata presin këmbanën që t’u kthehet.
/tesheshi.com/
