Mjekët e kanë cilësuar si një mrekulli një ngjarje sa të rrallë aq edhe unike. Martha Norman, një vajzë 3 vjeçare ka arritur ti mbijetojë jo një, por tre atakeve të tmerrshme të meningjitit viral, që kanë prekur trupin e vajzës brenda një viti.
Hera e parë ka ndodhur në shtator të vitit 2014, më pas në janar të këtij viti dhe i fundit, disa ditë më parë. Mundësitë që një gjë e tillë të ndodhë janë një në 14 milionë, shumë më të pakta se sa të fitosh një çmim milionar në një lotari. Por këtu ka diçka edhe më interesante sesa prekja e vajzës nga sëmundja: ajo ka arritur të mbijetojë dhe të jetë në jetë.
Ajo jo vetëm arriti të mbijetojë por rikuperimi i saj ishte aq i shpejtë saqë herën e fundit i kanë mjaftuar vetëm tre ditë për të marrë veten dhe për të nisur jetesën normale.
Nëna e të voglës tregon: “Kur disa javë më parë u sëmur, instikti im si nënë më thoshte se ishte prekur prapë nga meningjiti. U shqetësova, normale, por e di mirë se ime bijë është kockë e fortë dhe nuk do të dorëzohet lehtë. Pas disa ditësh ajo e mori veten. Martha është një vajzë shumë e fortë”.
E kush do të guxonte të mohonte këtë fakt? Meningjiti mund të sjellë pasoja vdekjeprurëse dhe shumë rrallë prek fëmijët. Është shumë e rrallë që për tre herë me radhë të prekë të njëjtën fëmijë dhe ai të shpëtojë, por ja që Martha ia ka dalë për mrekulli./tesheshi.com/
