Emanuel Macron, presidenti i Francës, nuk ka fshehur ambiecien për të rivalizuar kancelaren gjermane Angela Merkel, në lidhje me atë që njihet si drejtimi apo udhëheqja e Europës.
Madje Macron nuk nguron të pohojë se Franca do të riformojë Europën, pasi Gjermania për një kohë të gjatë është në drejtimin e saj.
“Që nga viti 2005, kur francezët dhe holandezët votuan ‘jo’ për kushtetutën e Europës, askush nuk ka zhvilluar një projekt të vërtetë për BE-në. Dhe sigurisht, as Franca”, tha Macron në një intervistë për Der Spigel.
Në vijim ai shton se edhe ato ide që u hodhën, erdhën nga Wolfgang Schäuble ose Joschka Fischer, por u rrëzuan nga Franca
“Unë dua t’i jap fund kësaj”, shtoi presidenti francez.
Ndërsa e krahason veten me François Mitterrand, i cili udhëhoqi Francën në vitet ’80 dhe ’90, Macron pohon se ai dëshiron të njëjtën gjë sikundër ish-presidenti francez: “formimin e Europës”.
Kancelarja gjermane Angela Merkel dhe ministri i saj i financave, Wolfgang Schäuble, kanë kohë që janë në qendër të Bashkimit Evropian.
Megjithatë, ambicia e presidentit Macron rreth rindërtimit të Europës, duke krijuar institucione dhe ndryshime të proçedurave, ndoshta mund të spsotojë kancelaren gjermane si udhëheqësja e BE-së. /tesheshi.com/
