Nënkryetari i OVL-së së UÇK-së Nasim Haradinaj, e quajti palaço ambasadorin amerikan në Kosovë, Greg Delawie, por edhe pas kritikave që ai mori, duket se nuk është pishman.
Ai thotë se nuk e ka ndërmend t’i kërkojë falje diplomatit amerikan, ani pse i kanë kërkuar edhe Haradinaj e Veseli.
“Nuk kërkoj asnjëherë falje, e kam dhënë veç mendimin tim. Unë e kam ndier veten të fyer kur Delawie hyri në parlament e bëri veprime të tilla. Kjo në fakt është shkelje e Kushtetutës. Pse mi kërku falje? Le t’i kërkojnë falje ata vetë. Ai kurgjo mirë ndaj nesh s’po bën. Ai që bën mirë nuk ta shkel shpinë. Ai po don me na imponu neve diçka. Parlamenti osht shpia jonë, ai hyri na thej shpinë tonë”, tha Haradinaj për koha.net.
Kujtojmë se Nasim Haradinaj, ka ngjallur reagime edhe pas deklaratës së tij për vrasjet e pasluftës të figurave politike. Kishe thënë “punë e madhe pse janë vrarë njerëzit e LDK-së”, për çka nuk kërkoi falje duke thënë se deklarata e tij është keqinterpretuar nga mediat.
