Presidenti Meta e dha arsyen se pse ai po stacionohet në Vlorë, si të ish një lojtar klasik elektoral.
“Presidenca do të jetë kudo, edhe në terren. Por në radhë të parë do të jetë në Vlorë, sepse është qendër e të gjithë shqiptarëve dhe meriton të japë shembullin e standardeve të zgjedhjeve”, u shpreh patetikisht nga Fieri.
Duke iu drejtuar drejtpërdrejt shefit të mazhorancës, Meta tha për veten e tij se “Presidenti është ushtari i parë i Republikës”.
“Ai (Rama) duhet ta dijë që më 25 prill do e marrë përgjigjen nga vajzat dhe nënat shqiptare që nuk duan më të jetojnë në një vend të mrekullueshëm me qytetarët e botës që kërkon të sjellë Edi Rama dhe kërkon t’i largojë prapë pasi të mësojnë gjuhën shqipe, për të cilën jemi krenarë. Fajin e ka Rama që i shërben mafias ndërkombëtare”, tha Meta. /tesheshi.com/
