Një zhvillim jo aq i papritur ka ndodhur në politikën kosovare, e që pritet ta thellojë më tepër krizën e atyshme, e cila po ec paralel me atë shëndetësore si pasojë e epidemisë së koronaviusit.
Presidenti Thaçi iu drejtua LDK-së, partisë së dytë të dalë nga zgjedhjet e 6 tetorit, me një votë më pak se VV, për ta ofruar ajo emrin e një mandatari të ri për kryeministër, pra për të pasuar Albin Kurtin e rrëzuar me mocion mobesimi, e kjo nga vetë aleati disajavor në qeverisje – LDK. Kjo e fundit i ka ofruar emrin e atij që deri dje ishte nr.2 në kabinetin “Kurti”, ish-zv/kryeministrit të shkarkuar Abdullah Hoti.
Isa Mustafa, tha se emri i Hotit u përzgjodh mes dy të tjerëve si kandidatë.
“Kemi diskutuar për Avdullah Hotin, Kujtim Shalën, Lutfi Hazirin dhe ka pasë edhe emra të tjerë që janë përmendur. Me vullnetin e të gjithëve jemi pajtuar që Avdullah Hoti të propozohet për kryeministër në qeverinë që ne së bashku me partitë e tjera partnere do t’ia propozojmë Kuvendit”, tha Mustafa.
Ky zhvillim vjen teksa Thaçi i kërkonte VV-së, a më saktë kreut të saj Albin Kurti një emër të ri për kryeministër, por ky i fundit nukia ofronte, me arsyetimin se mund ta vijonte ai qeverisjen – edhe pse i rrëzuar – deri në shpalljen e zgjedhjeve të tjera të parakohshme. Thaçi dhe partitë e tjera dolën kundër tezës së “zgjedhjeve të tjera”, ndërkohë që LDK u afrua me AAK dhe NISMA-n, si një mundësi koalicioni shumice për t’i hapur rrugën një qeverie të re.
Tani po shkohet drejt kësaj zgjidhjeje, por që refuzohet fort nga Kurti, që si armë ka paralajmëruar të përdorë dhe daljen në rrugë, pra protestat. /tesheshi.com/
