Ashtu siç pritej, ka plasur beteja më e re kryeministër-president, pas deklarimit të Nishanit për mbledhjen e Këshillit të Sigurisë Kombëtare në lidhje me kanabisin. Disa orë më vonë Rama i është kundërpërgjigjur me anë të një statusi në fb duke e ironizuar kreun e shtetit dhe hapin e ndërrmarë prej tij me nota të forta politike në një tendencë të dukshme për ta kompleksuar Nishanin si njeri ngushtësisht i PD-së, edhe duke qenë në rolin e presidentit.
“Të mblidhet Këshilli i Sigurisë Kombëtare për kanabisin?! Jo, duhet të mblidhet Këshilli Kombëtar i PD-së dhe redaksitë e gazetave e të portaleve të SHQUP-it”, ka thënë Rama, që e ka shoqëruar këtë koment ironik me letrën e ardhur nga Brukseli të Avramopulosit, i cili vlerësonte qeverinë shqiptare për luftën ndaj kanabisit.
Tashmë pritet me interes nëse Rama do shkojë në mbedhjen që pritet të thërrasë Nishani, siç dhe detyrohet të jetë ligjërisht, pavarësisht se puqen edhe në këtë rast. /tesheshi.com/
