Kryeministri britanik Boris Johnson njoftoi vetëizolimin e tij pasi u vërtetua se ai ka qenë në kontakt me një person të cilit i ishte konfirmuar COVID-19.
Ishte vetë ai që informoi për këtë në media sociale, duke shkruar ndër të tjera: “Nuk kam asnjë simptomë, por jam duke ndjekur rregullat”.
Kujtojmë se Johnson qe ndër ata që fillimisht e shpërfilli koronaviorusin, aty, nga fillimi i krizës pandemike në Europë në muajin mars.
Ai refuzoi të fuste vendin në karantinë, siç nisën të bëjnë vende të tjera, pasi “iu falë” imunitetit kolektiv, duke besuar se kështu do ndodhte me COVID-in. Por më pas, duke parë shifrat, duke u infektuar dhe vetë, madje deri në takim me vdekjen për shkak të gjendjes së rënduar, iu kthye trendit të gjithëkundshëm botëror me izolim.
Nëse vërtetohet infektimi i sërishëm i tij, ky do qe rast u unikal, si dhe për studim, i veprimit të COVID-it te një lider botëror. /tesheshi.com/
